अरब ‘एलाइन्स’ फुट: इतिहाद एयरले काठमाडौंवाट कतारको फ्लाइट रोक्यो, बुक गरेकालाई अर्कै ब्यवस्था
लहान खबैर/जेठ २२ गते। साउदी अरब नेतृत्वमा चार मुस्लिम मुलुकहरुले कतारलाई एक्लाउँदै कुटनीतिक सम्बन्ध विच्छेदको निर्णय गरेपछि युएईको सरकारी एयरलाइन्स कम्पनी इतिहादले नेपालबाट दोहा जाने सबै उडानहरु रद्द गरेको छ। इतिहादले नेपालबाट दोहाको लागि दैनिक दुई उडान गर्दै आएको थियो।
सोमवार साझदेखी लागु भएको यो नियम अर्को सूचना नआउन्जेलसम्म लागु हुने कम्पनीले जारी गरेको विज्ञप्तिमा उल्लेख गरेको छ। कतार जानका लागि टिकट बुक गरिसकेका ग्राहकका लागि एयरलाइन्सले वैकल्पिक व्यवस्था गर्ने अथावा टिकट फिर्ता गर्ने सुविधा दिने इतिहाद एयरलाइन्सका कन्ट्रि मेनेजर पबन श्रेष्ठद्वारा जारी विज्ञप्तिमा उल्लेख गरिएको छ।
साउदी अरेबिया, बहराइन, संयुक्त अरब इमिरेट्स (युएई) र इजिप्टले कतारलाई एक्ल्याउँदै सोमवार विहानमात्र कुटनीतिक सम्वन्ध तोडेको घोषणा गरेका थिए। कतारले आतंककारीलाई सहयोग पुर्याएको आरोप सहित चार देशले सबै कुटनीतिक सम्बन्ध अन्त्यको समेत घोषणा गरेका छन्।