अपन मिथिला न्यूज

रुकुमका दुईओटा मतदान केन्द्रमा १५ गते निर्वाचन अपन मिथिला न्यूज मंसिर १३ । रुकुमका दुईओटा मतदान केन्द्रमा गत मंसिर १० गते स्थगित चुनाव आगामी मंसिर १५ गते हुने भएको छ । पश्चिम रुकुमका आठबिसकोट, वडा नम्बर–११ स्थित नेपाल राष्ट्रिय मावि ‘ख’ केन्द्र र बाँफिकोट गाउँपालिका–५ स्थित रत्न निमावि काँडा ‘क’ केन्द्रमा स्थगित भएको चुनाव १५ गते गरिने सहायक निर्वाचन अधिकृत तेजप्रसाद पौडेल जानकारी दिए । यस्तै, दुवै मतदान केन्द्रमा मतदान अधिकृतसहित ६/६ जनाको निर्वाचन टोली खटाइएको मुख्य निर्वाचन अधिृकतको कार्यालय पश्चिम रुकुमले जनाएको छ ।

पहिलो चरणको अग्निपरीक्षामा पूर्वप्रधानमन्त्रीदेखि ‘भावी प्रधानमन्त्री’सम्मआइतबार मतदान हुने ३२ जिल्लामा 'चर्चित अनुहार' को हुन् ? अपन मिथिला न्यूज ,८ मंसिर, आइतबार पहिलो चरणको आम निर्वाचन हुँदैछ । र, चुनाव हुने ३२ जिल्लामा मौन अवधि सुरु भइसकेको छ । पहिलो चरणको यो चुनावले पूर्वप्रधानमन्त्रीदेखि ‘भावी प्रधानमन्त्री’सम्मको राजनीतिक भाग्य एवं भविश्यको रेखा कोर्दैछ । उनीहरुको भाग्य आइतबार मतपेटिकामा कैद हुनेछ र मंसिर २१ पछि खुल्नेछ । पहिलो चरणको चुनावमा भाग लिइरहेका ठूला नेताहरुको चर्चा गर्दा सिन्धुपाल्चोक, गोरखा र नुवाकोटलाई सम्झनुपर्ने हुन्छ । त्यसैगरी ताप्लेजुङले पनि ठूला नेताको भविश्यबारे आइतबार हिसाब किताब गर्दैछ । पहिलो चरणको चुनावमा सबैभन्दा बढी चर्चा गोरखाको छ । जहाँ नयाँशक्ति पार्टीका संयोजक एवं पूर्वप्रधानमन्त्री डा. बाबुराम भट्टराई माओवादीका बरिष्ठ नेता नारायणकाजी श्रेष्ठसँग चुनावी प्रतिस्पर्धा गरिरहेका छन् । चुनावमा होमिएका ५ पूर्वप्रधानमन्त्रीमध्ये पहिलो चरणमा बाबुराममात्रै एक्लै छन् । गोरखामा बाबुराम भट्टराईको प्रभाव राम्रो रहेको बताइए पनि पछिल्लो चरणमा...

काँग्रेसका नेता विमलेन्द्र निधिलाई निमोनिया अब एक हप्ता अस्पतालमैं बस्नुपर्ने अपन मिथिला न्यूज ८ मंसिर - नेपाली काँग्रेसका नेता विमलेन्द्र निधिमा निमोनिया देखिएको छ । स्वास्थ्यमा समस्या देखिएपछि धनुषाको चुनावी अभियान छाडेर यही मंसिर ४ गते काठमाडौँ आई चाबहिलस्थित ओम अस्पतालमा भर्ना भएका निधिलाई फोक्सोमा संक्रमण देखिएको हो । धनुषा क्षेत्र नं ३ मा प्रतिनिधिसभा सदस्यका उम्मेदवार निधिको उपचारमा संलग्न ओम अस्पतालका छातीरोग विशेषज्ञ डा सुबोधसागर ढकालले निधिको फोक्सोको संक्रमणका कारण निमोनिया देखिएकाले अझै एक हप्ता अस्पतालमै चिकित्सकको निगरानीमा रही उपचार गराइने जानकारी दिए । उनले भने, “उहाँको जाँच गर्दा निमोनिया देखिएको छ, हामीले एक हप्ताको एन्टिबायोटिक औषधि चलाएका छौँ, धेरै जनासँगको भेटघाट र उठबसले निमोनिया सरेको हुन सक्छ, अरु सबै जाँच सामान्य छ ।” एक हप्ताअघिदेखि ज्वरो आइरहे पनि जनकपुरमा चुनाव प्रचारमा भएका निधि छाती दुखेपछि मात्र अस्पतालमा आएका थिए  । डा ढकालले निधिको स्वास्थ्य सुधारोन्मुख हुँदै गएको बताए  ।

प्रदेशसभा र प्रतिनिधिसभा सदस्य निर्वाचनमा ६४ हजार सेना फील्डमा अपन मिथिला न्यूज/ ८ मंसिर - नेपाली सेनाले आसन्न प्रदेशसभा र प्रतिनिधिसभा सदस्य निर्वाचनमा ६४ हजार २० जनशक्ति परिचालन गरिएको जनाएको छ ।  ती फौजले मतपत्र छपाइ सुरक्षा, निर्वाचन सामग्री ढुवानी, कारागार तथा विमानस्थल सुरक्षालगायत निर्वाचन सुरक्षाका लागि तेस्रो घेरामा रही आवश्यक अन्य सुरक्षा प्रदान गर्ने कार्य गरिरहेको सैनिक जनसम्पर्क निर्देशनालयले जनाएको छ ।  निर्वाचनमा खटिएको फौजले पहिलो तथा दोस्रो चरणको निर्वाचनका लागि आवश्यक मतपत्र छपाइमा सुरक्षा प्रदान गर्नाका साथै पहिलो चरणको निर्वाचनका लागि नेपाली सेनालाई तोकिएका स्थानमा मतपत्र ढुवानी कार्य सम्पन्न गरिसकेको सेनाले जानकारी गराएको छ ।  दोस्रो चरणमा निर्वाचन हुने ४५ जिल्लामध्ये अधिकांश जिल्लामा मतपत्र ढुवानी कार्य सम्पन्न गर्नाका साथै बाँकी रहेका केही जिल्लामा मतपत्र ढुवानी कार्य गरिरहेको छ ।  नेपाली सेनालाई कारागार तथा विमानस्थलको सुरक्षाको जिम्मेवारी प्राप्त भएअनुसार हालसम्म देशका विभिन्न ५३ कारागार र २३ वटा विमानस्थलको सुरक्षार्थ फौज तैनाथ...

एनसेलले ल्यायो नयाँ भ्वाइस प्याक, भ्वाइस सेवा अब अझै सस्तो अपन मिथिला न्यूज ,८ मंसिर,/ एनसेल प्रालिले आˆनापि्रपेड ग्राहकका लागि चार नयाँभ्वाइस प्याकहरु ल्याएको छ, जस अन्तर्गत एनसेलका ग्राहकले अब अझै सुलभ दरमाभ्वाइस सेवाको फाइदा लिन सक्छन् । नयाँभ्वाइस प्याकका साथ एनसेलका ग्राहकले अब एक महिनामा ७०० मिनेट सम्मको भ्वाइस सेवा प्रयोग गर्न सक्छन् । नयाँभ्वाइस बिहीवारदेखि ९० दिनको लागि संचालनमा आएको छ । यी नयाँ प्याकहरु अन्तर्गत ग्राहकले आˆनो भ्वाइस सेवाको आवश्यकताअनुसार दैनिक, साप्ताहिक तथा मासिक प्याकहरु सुचारु गर्न सक्छन् । साथै ग्राहकले अब तीनदिने भ्वाइस प्याकपनि सुचारु गर्न सक्छन् । दैनिक भ्वाइस प्याकअन्तर्गत ग्राहकले कर सहितमात्र रु १५ मा २० मिनेट अननेट टक टाइम खरिद गर्न सक्छन् । साप्ताहिक भ्वाइस प्याकमा कर सहित रु ७० मा १२० मिनेट टक टाइम लिन सक्छन् । त्यसैगरी ग्राहकले रु ३० मा ५० मिनेट टक टाईम रहेको तीनदिने भ्वाइस प्याक खरिद गर्न सक्छन् । नयाँ मासिक भ्वाइस प्याकमा ग्राहकले रु ३०० मा७०० मिनेट टक टाइम प्राप्त गरी मात्र ४३ पैसा प्रतिमिनेटको दरमा भ्वाइस सेवाको मजा लिन सक्छन् । ...

इजिप्टको मस्जिदमा आक्रमण, कम्तिमा १८४ जनाको मृत्यु अपन मििथिला / इजिप्टको उत्तरी सिनाइ प्रान्तस्थित एउटा मस्जिदमा बम र बन्दूक आक्रमण हुँदा कम्तिमा १ सय ८४ जनाको मृत्यु भएको त्यहाँको सरकारी मिडियालाई उद्‍धृत गर्दै बीबीसीले जनाएको छ।  एपी समाचार एजेन्सीका अनुसार चार वटा अफ रोड गाडीबाट शुक्रबारे प्रार्थनामा रहेका मानिसहरुमाथि अन्धाधुन्ध गोली चलाइएको थियो।  इजिप्टमा सन् २०१३ देखि मुस्लिम विद्रोहीहरुविरुद्ध कारबाही चर्किएको छ। सिनाइ प्रायद्विपमा नियमित रुपमा आक्रमण भइरहे पनि यो अहिलेसम्मकै सबैभन्दा भयङ्कर आक्रमण हो। घटनामा कम्तिमा १२५ जना घाइते छन्।  आक्रमण कुन समूहले गरेको भन्ने बारे स्पष्ट भइसकेको छैन।