भरतपुर महानगरको मतगणना स्थगित, कांग्रेस–माओवादी केन्द्रद्वारा निर्वाचन अधिकृतको राजीनामा माग

भरतपुर महानगरको मतगणना स्थगित, कांग्रेस–माओवादी केन्द्रद्वारा निर्वाचन अधिकृतको राजीनामा माग

लहान खबैर /२०७४ जेठ ५ शुक्रबार। भरतपुर महानगरपालिकाको मतगणना स्थगित भएको छ । कांग्रेस र माओवादीका प्रतिनिधिले पटकपटक प्राविधिक त्रुटी भएको भन्दै असन्तुष्टि जनाएपछि मतगणना स्थगित भएको हो ।

पटकपटक प्राविधिक त्रुटी दोहोरिदा पनि निर्वाचन आयोगले उचित ब्यबस्थापन गर्न नसकेको भन्दै कांग्रेस माओवादीले चितवन जिल्लाका प्रमुख निर्वाचन अधिकृत कविप्रसाद न्यौपानेको राजीनामा माग गर्दै नाराबाजी गरेका छन् ।

मतगणना गरिरहेका कांग्रेस माओवादीका प्रतिनिधि नै बाहिर निष्किएर नाराबाजी गरिरहेका छन् ।

अहिले उक्त विवाद मिलाउन निर्वाचन आयोगका प्रतिनिधि र राजनीतिक दलका प्रतिनिधिबीछ छलफल चलिरहेको छ ।
 
विवाद के हो ??
महानगरपालिकाको मतगणनाका क्रममा विवाद भएपछि मतगणना प्रभावित भएको छ । गणना गरिने मत संख्या र सार्वजनिक गरिने संख्या फरक फरक आएको भन्दै विवाद भएपछि मतगणना प्रभावित भएको हो । दलहरुको विवादका कारण मतगणना कार्य स्थगित भएको छ ।

निर्वाचन समितिले मत जोड्दा त्रुटी गरेको भन्दै नेपाली काँग्रेस र माओवादी कैन्द्रका प्रतिनिधिहरुले विरोध जनाएका छन् । दलका प्रतिनिधिहरुको मत संख्या र कम्प्युटरबाट प्रकाशित गरिने मत संख्या फरक भएको भन्दै उनीहरुले विरोध जनाएका छन् ।

सोही विवादका कारण गणना प्रभावित भएको छ ।

एमाले उमेदवार देवी ज्ञवालीको पक्षमा १५ हजार १५५ मत खसेको छ । मओवादी केन्द्रका तर्फबाट मेयरकी उमेदवार रेणु दाहालले १४ हजार ८०९ मत प्राप्त गरेकी छन् । रेणु माओवादी केन्द्र र कांग्रेस गठबन्द्धनकी उमेदवार हुन् ।